صحبتنا

صحبتنا, منتدي صحبتنا, منتديات صحبتنا احلي منتدي, احلي منتدي, راديو صحبتنا, دردشة صحبتنا, برامج, العاب صحبتنا, شباب صحبتنا, تعارف, رياضة, افلام, اغانى, تسلية وترفية صحبتنا.


    فـ إديـك الاتنيــن

    شاطر
    avatar
    ميدو نيو
    عضو نشيط
    عضو نشيط

    ذكر
    عدد المساهمات : 80
    نقط : 28554
    سجل في : 12/02/2010
    العمر : 23

    فـ إديـك الاتنيــن

    مُساهمة من طرف ميدو نيو في السبت يونيو 12, 2010 12:28 pm

    مش كل لغات الدنيا حروف
    ولا كل عيون بتحس النور ...
    تقدر ع الشوف


    إنما
    بالحس تعدى خيال

    عناقيد م الفكر بتربط كل حدود العالم
    شرق و غرب
    ودا حال الكون

    ولقيتك جنب
    الحيط تواريخ

    بتعافر
    لسه ف قلب الريح

    شخابيط بتدارى جمالها الناس
    وسواس ف حواسهم ...
    بيزن
    وضهور م الشيله عماله ...
    تئن
    مش معنى سكاتك يعنى خلاص ...
    الكل اتجن

    من يوم الليله
    اللى إحنا بدرنا

    الخوف م الخلف
    وبدرنا بذور الفول قدام
    والشاي ع النار
    والجبنة ليلتها بتحضن آخر رصة عيش
    قمنا نبله بسهر الليل


    اتمطع
    ... شق الأرض الفول

    وادارى الخوف م الخوف لَـ يبان
    ورسمت ف إيدى طلوع الفجر
    ساعتها ضحكت عليا عشان
    مارسمتش شمس ....


    ولقيتك
    ماشى ترش كلام

    وحروفك
    طايحة مابين النايم

    و الفارد رجله ف قلب الشارع
    و الرجل التانية ف ليل امبارح
    و مكنتش سارح


    بس
    كلامك ...

    خدني
    سنين تانيه لقدام

    إعدام الحرف لا يمكن يبقى شريعة و سنه
    بستنى الحنة
    بتمنى تلون وش وشوش
    وتجيى يا صبح فى ايدك فرحى
    وتنزل على احزانى ستارة ...
    الختام

    واخدنى ف ديل
    جلابيتك فين ما تكون

    بتحـزّم رحلة يومك ف المنديل
    و بشيلها معاك
    و تشيلنى لما الحيل ...
    يتهد
    تعقدلى دماغى بنص فانلة صوف
    ف عرفت معاك ايه معنى ...
    الضد
    ماتزيدشى عليا الرحلة ...
    تعبت
    و ارتاحت منى خلاص
    الروح
    م الصعب عليا أقولك
    روح
    و تسيبنى ازاى مع إن الروح










    ف إيديك الاتنين

      الوقت/التاريخ الآن هو الأربعاء نوفمبر 22, 2017 1:51 pm